- Yaratildi: 11.06.2024
- Yangilandi: 11.06.2024
- O'qildi: 2546
Korrupsiya – kelajakka g‘ov
Navoiy kon-metallurgiya kombinatida korrupsiyaga qarshi kurash yo‘nalishi bo‘yicha tizimli ishlar olib borilmoqda.
Korxona bo‘linmalarida ishchi-xodimlarning huquqiy savodxonligini oshirish bo‘yicha turli tadbirlar tashkil etilmoqda. Jumladan, Shimoliy kon boshqarmasida “Korrupsiya – kelajakka g‘ov” mavzusida navbatdagi davra suhbati o‘tkazildi.
Tadbirda “NKMK” AJ Komplayens xizmati vakillari, Uchquduq tuman prokuraturasi xodimi tomonidan mavzuga oid maʼruzalar qilinib, keyingi yillarda mamlakatimizda korrupsiyaga qarshi kurashish bo‘yicha muhim islohotlar amalga oshirilgani va mazkur yo‘nalishda olib borilayotgan amaliy ishlar alohida taʼkidlab o‘tildi. Shu jumladan, joriy yilning 5-iyun kuni qabul qilingan O‘zbekiston Respublikasining “Manfaatlar to‘qnashuvi to‘g‘risida”gi Qonunining mazmun-mohiyati ishchi-xodimlarga tushuntirildi.
Davra suhbatida har bir inson korrupsiyaga qarshi murosasiz munosabatni shakllantirish bilangina unga barham berish mumkinligi, shu bois ushbu illatga qarshi butun jamiyat, barcha fuqarolar kurashmog‘i zarur ekanligi taʼkidlandi.
“NKMK” AJ Matbuot xizmati.